Distance

Isang malaking bahagi ng relasyon.

Sa distansya nagsimula ang lahat. Kung paanong nag krus ang inyong landas sa laki ng mundo. Kung paanong sa dinami-rami ng makakasabay mo sa jeep, sya pa. O sa dami ng pwede mong maging classmate, sya pa. At sa dami ng pwedeng makilala sa Facebook ,sya pa.

Sa distansya tumibay ang relasyon. Sa panahong magkalayo kayo at di mahawakan ang isa’t-isa. Sa mga pagkakataong gusto mong yakapin at halikan sya pero wala kang magawa. Tatambay ka sa profile nya sa fb, titigin mo yung blog nya habang pinapakinggan ang BGM at iniintay mong mag OL o magtext sya.

Sa distansya nagsimula ang problema. Sa mga panahong napapaisip ka kung dapat mo pa bang ipaglaban ang sa inyo. Kung makatarungan bang manghawak sa mga pangako ng isang taong milya-milya ang layo. At sa mga problemang maaayos sana kung magkalapit lang kayo.

At sa distansya nauwi ang lahat. Sa pagkakataong bumitaw na kayo parehas. Nagdesisyon na maghiwalay at magkanya-kanya na. Napagtantong hindi sapat ang pag-ibig lang sa isang relasyon.

Sa pagtatapos ay may magsisimula. Maaaring ibang tao, maaaring siya ulit. Maaaring bukas, maaaring sa takdang panahon. Isa lang ang sigurado, may nakatadhana sayo - sa inyo...

--> https://www.facebook.com/AkosiBobOngOfficial